صراع الجبابرة Firefox 4.0 Beta 3 vs Chrome 6.0 vs Internet Explorer 9

مقارنة بسيطة ، توضح الفروقات الرئيسية بين المتصفحات الثلاثة الاكثر استخداماً ..

بعيداً عن التحيز لميكروسوفت ، ويقيني التام بوجود العديد من المشاكل في الوليد الجديد لميكروسوفت ، انترنت اكسبلورر 9 ، الا انه تربع عرش القمة ، بدعم كامل لتسريع العتاد للصور والنصوص والفيديو وبتوفير خاصية التنبيه في حالة قيام احدى الاضافات بابطاء عمل المتصفح ، نتائج بحث فورية مع تحديثات جديدة لمحرك بينج ، خاصية لصق المحتويات في الشريط السفلي في ويندوز وعرض المصغرات ، وحماية خصوصيتك اثناء البحث بعدم ارسال اقتراح الكلمات بشكل تلقائي الا بعد تفعيلك لهذه الخاصية ، والعديد العديد من الخصائص ، التي ستشاهدونها من خلال هذه المقارنة

https://i1.wp.com/microsoftfeed.com/wp-content/uploads/2010/09/Firefox-4.0-Beta-3-vs-Chrome-6.0-vs-Internet-Explorer-9.png

ارجو البعد عن التعصب ، انا من مستخدمي المتصفحات الثلاثة ، وحالياً توجهت لحديث العهد انترنت اكسبلورر 9 ، لخوض غمار تجربة جديد مميزاته ، اتمنى دائماً وابداً الافضل للمستخدم 🙂

واتمنى من المتعصبين لمتصفح معين ، اخذ نفس عميق قبل الرد ..

لمستخدمي المتصفح العملاق ، بعض اختصارات لوحة المفاتيح

Alt – Show the menu bar. After you make a selection, the menu bar goes away.
Alt+M – Go to your homepage.
Alt+C – View your favorites, feeds, and browsing history.
Ctrl+J – Open Download Manager.
Ctrl+L – Highlight the text in the Address bar.
Ctrl+D – Add a webpage to your favorites.
Ctrl+B – Organize your favorites.

سلامي

Advertisements

8 thoughts on “صراع الجبابرة Firefox 4.0 Beta 3 vs Chrome 6.0 vs Internet Explorer 9

  1. يا عزيزي انت عامل زي اللي بروح يشتري جوال وبسأل صاحب المحل كيف بالله هادا الجوال اللي بدي اشتريه ! فكرك رح يقلك لا تشتريهوش هادا عاطل ؟
    رح يقلك اوووه هاداااااااا احسن جوال في العالم هادا اخر صيحة اخر شياكة لو بنت تشوفوا معاك حيغمى عليها

    جايب المقارنة من موقع لمايكروسوفت !!!

    ثانيا بيقارن مع فيرفوكس 4 بيتا 3 واخر نسخة بيتا نزلت منو هي 6 فبتلاقي مسلن الهارد وير اكسلريشن فعلن ما كانت في 3 بس نزلت في بيتا 4 !
    وطبعن مش رح يحط قدامها صح !
    عندك قصة تنبيهات ازا كانت الاضافة بتسبب بطئ للمتصفح وحاطط صح قدام اكسبلورر عارف ليش ؟
    لانو اضافات الكروم وفايرفوكس ما بتسبب اي بطئ للمتصفح لانها بتشتغل بروسيس منفصلة عن المتصفح وكل تاب عبارة عن بروسيس منفصل عن المتصفح فمستحيل تسببلوا بطئ وبعتبر انو هادي ميزة في الاكسبلورر !!!

    يا صديقي عمركاش تسأل بياع عن بضاعتوا كيف بضاعتك انت عاينها وشوفها عجبتك خدها ما عجبتك زتها لانو اشي طبيعي يقلك هادي احسن بضاعة موجودة في السوق لكن لو شريتها وبعد يومين جيت بعتوا اياها بقلك لااااااااااا هادي مش نافعة هادي ستوك في نزل بعديها موديلات كتير

    اذا اردت البعد عن التعصب فات بالمقارنة من مصدر محايد على اسس علمية ووقتها شو ما كانت النتيجة محدش بقدر يحكي كلمة وحدة

    تحياتي يا صديق 🙂

    إعجاب

    • ههههههههههههه يا عزيزي المقارنة لو جبتها من جهنم حتضلها نفس المقارنة
      يعني بالله فيرفوكس فيه تنبيه للاضافات ؟!
      حسستني انو بنود المقارنة الواحد بيجيبها من دار ابوه ، هادا المتصفح فيه ميزة والتاني ما فيه لهيك تحتها صح في الانترنت اكسبلورر وفي فيرفوكس ما في تحتها صح
      يعني مايكروسوفت مش شركة هبلة تيجي تحكي عن حجات مش عندها
      وسواءاً كانت المقارنة من مايكروسوفت ولا من جوجل ، حتضلها نفسها ، لان البنود واضحة والمتصفحات موجودة عند الجميع بامكانهم يلاحظوا كل بند من البنود من خلال التجربة العملية ..
      يعني مايكروسوفت ما بتسوق لخدمات مش موجودة زي اصحاب المحلات الهمل اللي انتا بتحكي عنهم يا فيرفوكسي ..

      بعدين مين حكالك انو بيتا 6 فيه دعم التسارع ، انا ما شفت هالخبرية ، كل نسخة بيتا اخت اللي قبلها بفوارق بسيطة جداً ، كروم دعمو التسارع بشكل اكبر من فيرفوكس حتى الان

      اما بخصوص كلامك عن انو الاضافات بتشتغل في بروسيس منفصله يا فالح ، فالاداة لو كان في غلط في برمجتها البروسيس المنفصلة حتستهلك من السي بي يو ، وبالتالي الجهاز عندك حينام
      وشو الفايدة ازا فصلناها واحنا مش عارفين اي اداة فيهم اللي سببت المشكلة وعملت البطء او استهلكت اكتر من المتصفح !

      اما بخصوص قصص البضاعة البايتة تبعتك ، فهاي بتستشهد فيها لما ما يكون عندك شي تحكيه ، انا شايفك مسكت بقصة تنبيه الاضافات والتسارع وسبت كل شي تاني
      مع العلم انو في اشيا كتير كروم متفوق فيها على فيرفوكس تبعك ..!

      وبخصوص المصدر المحايد
      توجه يا اسد لتيدوز وشوف هالخبر
      طبعا حضرتك بتعرف انو تيدوز بيدعم الاوبن سورس والفكر الحر اكتر بكتير من دعمه لميكروسوفت
      عنوان الخبر
      إكسبلورر 9 يتفوق على فايرفوكس 4
      جزء من نصه
      حين تقوم الشركات ببناء متصفحاتها فإنها تحاول ان تكون هذه المتصفحات متفوقة في إختبارات الأداء القياسية مثل Acid او Sun spider ، والبعض يظن أن هذه الإختبارات لاتعكس الأداء الواقعي للمتصفح، لذلك قرر موقع Lucid charts إخضاع نسخ بيتا الأخيرة من فايرفوكس وإكسبلورر لتجربة واقعية.
      المختبرون أوضحوا أيضاً انهم واجهوا بعض المشاكل في فايرفوكس 4 الذي إستغرق وقتاً طويلاً في معالجة بعض المهام لكنهم قاموا بتجاهل هذه الإختبارات وعدم وضع أرقامها في الإختبارات وإلا ستكون نتائج فايرفوكس أسوء بكثير.

      نورت المدونة يا عسل
      تحياتي يا رفيق

      إعجاب

  2. هههههههههههههههههههههههههههههههههه

    والله مش زنبو المتصفح انك مشفتش ميزة التسارع روح عالخيارات بتلاقيها موجودة قدامك ومفعلة باي ديفولت

    بعدين لمة انا اعمل متصفح واصير اعرض ميزات انا ضفتها واقول المتصفح التاني مش موجودة في هادي الميزة هادا اسمو هبل وضحك عالدقون

    بعدين بالعقل بالعقل هل يعقل انو اكسبلورر يكون السكيورتي فيه اكتر من كروم وفيرفوكس والله لو قلتها لحمار ما صدقها

    بعدين زي ما قلتلك احنا مش بحاجة انو يكون عنا تنبيه للاضافات اللي بتبطئ المتصفح لانو اصلن ما في عنا هادا النوع من الاضافات

    ويا سيدي بكرة بدوب التلج وببان المرج بس ينزلوا النسختين ريليس كانددت وبعد 6 شهور من نزولهم السوق بنشوف مين المتصفح العملااااااق

    إعجاب

    • مشكلتك بتلف بنفس الحلقة وبتعيد نفس الكلام
      عكل ال مش حنختلف
      انا حستخدم المتصفح اللي برتاح عليه وبيلبي الغرض حتى لو كان من بلد الواك الواك
      وسباق المتصفحات في مصلحة المستخدم اولا واخراً
      فهدي حالك وتيك ات ايزي
      احنا المستفيدين في النهاية
      نورت المدونة
      سلاماتي

      إعجاب

  3. يا اخي بشو بتناقش !
    كانو مايكروسوفت بدها حد يدافع عنها
    انك متعصب لشركة او لنظام او او ما بيعطيك الاحقية انك كطالب او حتى مهندس
    تشكك بانجاز شركة عملاقة مهندسينها و عملهم و تعبهم و ابتكاراتهم ما بيتقارنو باي علم بيتدرس ببلدك اصلا

    انا من متعصبين مايكروسوفت ،لكن بنفس الوقت من اكتر الناس استخدامها لفيرفوكس
    هادا لا يعني ضعف اكسبلورر 9 بس ممكن تقول انو ما تعودت اتعامل مع الاكسبلورر من قبل فلهيك لاقية الفيروفكس اريحلي
    لكن بتعرف على كل مميزات الاكسبلورر لحتى استخدمو و وقتها بقارن مين الافضل
    مع انو القضية ما بدها تنين يحكو فيها

    لكن انتا بدك تتعصب لجهة روح ادرس كل الجوانب لكل الجهات لحتى تعرف عن شو تحكي
    او بالاصح تلاقي ثغرة توجه هجومك عليها مع اني اشك تلاقي باذن الله

    احترامي الشديد لرأيك

    يعطيك العافية اشرف على التوضيح و المقارنة

    إعجاب

  4. صراع الجبابرة Firefox 4.0 Beta 3 vs Chrome 6.0 vs Internet Explorer 9…

    مقارنة بسيطة ، توضح الفروقات الرئيسية بين المتصفحات الثلاثة الاكثر استخداماً .. بعيداً عن التحيز لميكروسوفت ، ويقيني التام بوجود العديد من المشاكل في الوليد الجديد لميكروسوفت ، انترنت اكسبلورر 9 ، الا انه تربع عرش القمة ، بدعم كامل لتسريع العتاد للصور …

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s