تحية طيبة وبعد ،،
اليوم اطلعكم على تجربتي مع انترنت اكسبلورر الاصدار التاسع ، النسخة التجريبية الاولى والتي تم اطلاقها يوم امس ، كنت انتظر مؤتمر مايكروسوفت منذ شهر ، حتى اتمكن من تحميل النسخة وتجربتها والاطلاع على الثورة التي وعدتنا بها مايكروسوفت ، انطلق المؤتمر بعنوان جمال الويب “Beauty Of The Web” والمؤتمر حمل شرحاً مفصلاً لجديد انترنت اسكبلورر ، وحمل في طياته العديد من النقلات النوعية في النسخة التاسعة ، سأستعرض بعضاً منها بحكم تجربتي للمتصفح لمدة يوم واحد ،،
نبدأ على بركة الله ، وللمعلومية فقط فالمتصفح غير متوافق مع ويندوز اكس بي ، ولذلك لان اساس سرعة المتصفح هو اعتماده على مكتبات برمجية وتوافقية عتاد ويندوز فيستا وسفن ، وهذه المكتبات وغيرها من الامور الداخلية غير متوافرة في ويندوز اكس بي ، لذلك مايكروسوفت جعلت المتصفح متوافق مع الجيل الجديد من انظمة التشغيل ، وقد تكون هذه خطوة تجارية لاجبار مستخدمي ويندوز اكس بي للانتقال لويندوز 7 ، انا عن نفسي اراها خطوة ذكية من مايكروسوفت ، فالعالم يتجه للامام ، والنظر للخلف لن يجدي نفعاً مع احترامي لمستخدمي ويندوز اكس بي .
انترنت اكسبلورر 9 نظرة عن قرب “الاستخدام الاول للمتصفح”…
تحية طيبة وبعد ،، اليوم اطلعكم على تجربتي مع انترنت اكسبلورر الاصدار التاسع ، النسخة التجريبية الاولى والتي تم اطلاقها يوم امس ، كنت انتظر مؤتمر مايكروسوفت منذ شهر ، حتى اتمكن من تحميل النسخة وتجربتها والاطلاع على الثورة التي وعدتنا بها مايكروسوفت ، ان…
إعجابإعجاب
تميز رائع ….. دائما مبدع
والبرنامج تم تحميله واستخدامه ….. والشكر لك بافادتنا بكل ماهو جديد 🙂
تحياتي لك أشرف ..
إعجابإعجاب
أول شي يعطيك العافية ع المجهود الجبار ع الشرح
تاني شي ما بعرف بلاقيها انا خطوة حلوة وبنفس الوقت خطوة بايخة من مايكروسفت انها تجبر المستخدم يستخدم اي نظام كونها حددت انو المتصفح فقط يعمل ع انظمة تشغيل 7 وفيستا انا عني ما بستخدم ولا نظام يعني ما راح يصحلي اجربو اساسا مش لاني اكس بي حقدت ع مايكروسفت بس هي بتخسر الاقلية من المستخدمين الي ما تعاملوا مع انظمة التشغيل الحديثة ودائما الشركات بتحاول ارضاء جميع الطبقات من المستخدمين وهادي خطوة تجارية بحتة ما فيها اي مراعاة لتنوع المستخدمين وميولهم
تالت شي المتصفح زي ما انت حاكي كتير فيه شبه من الجوجل كروم قصة التوسع بالصفحة يعني الموقع الي نت شغال عليه يظهر لوحده لتستطيع الانفراد فيه هادا موجود بالجوجل كروم
وقصة سحب الالسنة سواء لدمجها مع صفحات اخرى او لفصلها عن السنة اخرى
المفضلة ايضا موجودة بالجوجل كروم
بس باقي شغلة وحدة ما بعرف ازا لسا موجودة هادي الشغلة كرهتني بجد بالاكسبلورر وهي قصة التعليق يعني تبقى فاتح المتصفح وبتشتغل ع شغلة معينة تلاقيه فجأة طلب منك برسالة ارسال خطأ او عدم ارسال وبكلا الحالتين يعني راح تسكر الموقع الي انت بتشتغل عليه وانا شو جابرني استخدم هيك متصفح يصغرلي روحي كل شوية
بالنسبة الي انا بفضل استخدام الجوجل كروم حاليا انا مناصري الفايرفوكس بس لفترة وجيزة بدأت باستخدام الجوجل كروم وذلك لايجادي راحتي التامة مع هذا المتصفح السلس التصميم والاستخدام مع انو في شغلة بس ما بعرف ازا كانت صح او خطأ بس مع زلك “ع الوعد يا كمون ”
يعطيك العافية سابقى ع اطلاع على اخر اكتشافاتك بهادا المتصفح
كل التوفيق
إعجابإعجاب
“بايخة” ؟! انو بما انك حكيتيها بالعامية خليني ارد بالعامية ، بحياتوا ما مر عليا حد بيحكي عن مجهود شركة في اصدار منتج بذل فيه مئات المهندسين مجهود جبار لحتى يظهر للعيان بهالشكل والقوة “بايخ” كونك ما انتقلتي لويندوز فيستا او سفن مش مشكلة مايكروسوفت ، مايكروسوفت بتواكب التطور ، حاليا الانترنت في كل بيت وكل بيت فيه جهاز قادر على تشغيل اقوى الانظمة والالعاب ، محلات اجهزة الكمبيوتر حالياً ما بتبيع اجهزة بمواصفات قديمة ، كل الاجهزة المباعة قادرة على تشغيل ويندوز 7 ، ان كان جهازك قديم وعتادك مش بالقوة المطلوبة ، واكبي التطور والتقنية وحدثيه ، حالياً يبتم انتاج اجهزة بتقنية بصرية ثلاثية الابعاد ، وهالشي قريبا حيوصل غزة ، لما انتي تكوني لسا ما بتمتلكي جهاز قادر على تشغيل ويندوز 7 ، فوين موقعك في عالم التقنية ، حالياً الجميع انتقل للنظام الجديد ، وما حد عالق بالنظام القديم الا فئة قليلة ، ومع الايام حتختفي لان الدعم البرمجي والتحديثات الخاصة بالانظمة القديمة حتنتهي ، فنصيحتي الك واكبي التطور ، بدلاً من وصف انجازات مايكروسوفت بالبايخة ..
” بس هي بتخسر الاقلية من المستخدمين الي ما تعاملوا مع انظمة التشغيل الحديثة” انا مش معك في هالكلام هيا ما بتخسرهم ، لما المستخدم يشوف التطور اللي وصلوا ويندوز 7 حيضطر يرقي من ويندوز اكس بي ل 7 لحتى يواكب التطور حالياً كل البرامج بيتم اصدارها والالعاب كذلك وعليها ملصق ويندوز 7 انو بتدعمه ، الكل بيواكب التطور ..
بعدين انا سبق ووضحت سبب عدم عمل المتصفح على ويندوز اكس بي
وحكيت انو في مكتبات برمجية لازم لتشغيل المتصفح وتسريع الجرافيك و gpu وغيره وهالاشيا ما بتشتغل في ويندوز اكس بي لانو قدييييييم قديم يا عالم !
بالتالي بدك تحصلي على افضل اداء واكبي التطور واعملي ترقية للويندوز فيستا او 7 لحتى تجربي المنتجات الجديدة ، يعني مش معقول نطلب سرعة ومظهر حلو وما نضطر نتنازل ونلبي متطلبات تشغيلها .!
بخصوص التشابه مع جوجل كروم ، فمايكروسوفت اخدت المنيح في كل المتصفحات ودمجته في متصفح واحد اللي هوا انترنت اكسبلورر 9
“بس باقي شغلة وحدة ما بعرف ازا لسا موجودة هادي الشغلة كرهتني بجد بالاكسبلورر وهي قصة التعليق يعني تبقى فاتح المتصفح وبتشتغل ع شغلة معينة تلاقيه فجأة طلب منك برسالة ارسال خطأ او عدم ارسال وبكلا الحالتين يعني راح تسكر الموقع الي انت بتشتغل عليه وانا شو جابرني استخدم هيك متصفح يصغرلي روحي كل شوية” نزلي ويندوز 7 ونزلي هالمتصفح عليه وشوفي كيف سرعة التصفح وقوة الاداء ..
بخصوص جوجل كروم فهو رقم 3 في سوق المتصفحات
بعد الفيرفوكس
مشكورة على مرورك وردك المطول
سلامي
إعجابإعجاب
“بخصوص جوجل كروم فهو رقم 3 في سوق المتصفحات
بعد الفيرفوكس”
مين رقم 2 ؟ ولا مخربط بس ؟
إعجابإعجاب
رقم 1 الاكسبلورر
2 فيرفوكس
وتلاتة كروم
ما بتتابع احصائيات 🙂 ؟!
نورت المدونة بطلتك
وارجعلنا بعد ما تجربه بس من غير تشفير 🙂
إعجابإعجاب
ههههههههه ع حسب ما بعرف الفايرفوكس الاول وكروم الثاني
اما IE الاول هذه غريبة
اما اذا قصدك انه الاول من ناحية انه المتصفح الافتراضي بالويندوز وان الكل موجود عنده وبضطره يستخدموه فهيك ممكن
اما من ناحية الاداء والسرعة والتصميم IE 7 & 8 صفر ع الشمال بالنسبة للكروم
إعجابإعجاب
لا لا صحح معلوماتك
الاكسبلورر الاول في الاستخدام وبعد IE9 في الاداء كمان
وحجيبلك روابط اختبارات مقارنة بينه وبين الكروم تبعك
وتشوف العيا .!
بعدين ليش بتجيب سيرة الاصدار السابع والتامن ومايكروسوفت منزلة التاسع 🙂 ؟
إعجابإعجاب
ههههه المقارنة كانت بينه وبين الفايرفوكس
ما قربو ع الكروم ههههههه بقدروش هههههه
اي لسا مبيرح نزل 9 ، كل العالم شغالة ع القديم لسا
إعجابإعجاب
ههههههه يبني انتا ليش بتقاتل
هما ما قارنوا بالكروم لان الواحد بيقارن حاله بالقوي وبيطور مش الضعيف 🙂
إعجابإعجاب
قمت بتجربته اليوم لمدة 5 دقائق ،، الحقيقة نقلة جميلة من مايكروسوفت لكنها لا تزال مصرة على الاتيان بالشلل للمصممين فيمكنك مشاهدة زر ال like كيف يظهر تحت كل ستيتس في موقع الفيس بوك http://i55.tinypic.com/2ptp3zo.png
اعتقد ان مايكروسوفت ستخيب امال مستخدميها مرة أخرى كالعادة !
كل شئ جديد يبدو جميلا لكن عندما يصبح غير جديد نستطيع ان نميز مدى جماله
تحياتي
إعجابإعجاب
عزيزي محمد طه ، شلل المصممين قضت عليه مايكروسوفت تماماً ، هل رأيت اداة المطورين ، حسناً ان لم ترها اضغط على اف 12 في لوحة المفاتيح اثناء تصفحك لموقع وانظر اسفله ، ولاظهر لك ان كلامك لا يمت للحقيقة بصلة ذهبت لصفحتك بنفسي لابحث عن اي اعوجاج في كلمة Like ولم اجد وها هنا صورة تثبت صحة كلامي ، ان لم تكن قد حدثت نظامك او كان يحتوي مشكلة او خلل ، فالامر ليس بمطنقي ان تلقي باللوم على مايكروسوفت ..
الصورة
وانا معك فيما يتعلق بالجديد والغير جديد
لكن هذه نسخة بيتا والقادم باذن الله سيكون اروع
نورت المدونة
سلامي
إعجابإعجاب
كيف لا يمت للحقيقة بصلة والمشكلة من النظام
دايما فش عنا غير هالكلمتين المشكلة من النظام !!!
عفكرة المرة هادي لمة فتحتو ما ظهرت عشان الحق يقال
طيب وين الاضافات؟ المزامنة ؟ دعم ال html5 مش كامل في كتير شغلات ناقصة في وبدو شغل كتير
وربنا يوفقو ويوفقك 🙂
إعجابإعجاب
هههههه طيب هدي حالك يا مدير
النسخة لسا بيتا واول اصدار
يعني اكيد في شغل جاي
نورت المدونة
إعجابإعجاب
من الصور والخصائص شايفه بالزبط نفس جوجل كروم متصفي المفضل
حتى بالكروم المنطقة العلوية تصميمها افضل واريح من الموجود بالصور
ا ن شاء الله بس اشوف حل لمشكلة الاب ديت ، لانه لازم تعمل اب ديت حتى ينزل عندك وبعدها ان شاء الله بجربه
وبعد التجربة الحكم 🙂
يعطيك العافية يا اشرف 🙂
إعجابإعجاب
كروم ليس منافس هنا 🙂
المنافس هو فيرفوكس
نورت وبانتظار رأيك بعد التجربة
إعجابإعجاب
الفير فوكس ما جرته ، ما ارتحت لواجهته 😀
و IE 9 لو خصائصه زي ما انت كاتب ، نفس خصائص الكروم فالكروم احسن وبالاخص بعد التحديث الجديد اله ، رائع 🙂
وكمان الاضافات و extensions في الكروم حلوة كثير ومريحة وبتوفر وقت كثير وبالعموم خدمات جوجل كلها رهيبة 😀
بس برضو الحكم عليه بعد التجربة ما بدي اسبق بالحكم ، حرام يمكن اظلمه 😛
ان شاء الله الليلة او بكرة
إعجابإعجاب
هههه مصيبتك مصيبة يا علي ازا بتحكي رسمي
قال الكروم قال ، انا ماشي حبيت فيه انو خفيف كتير صاحبك الكروم
بس ما بيوصل لسرعة وقوة الانترنت اكسلورر الجديد
عكل حال بانتظار رأيك بعد التجربة
وراعي انو الاصدار لسا بيتا
إعجابإعجاب
لاحظ انك لقيت في الفايرفوكس 4 وما قلت لاحظ انو بيتا !
إعجابإعجاب
هاي معك حق فيها
بس انا مشكلة استهلاك الذاكرة واجهتني بالنسحة الثابتة مش البيتا
عكل حال انا ما بنكر انو الفيرفوكس صعب الواحد يستغني عنه بسهولة
نورت
إعجابإعجاب
انا استخدمت المتصفح اليوم
حلو والله وفيه مزايا جديده بتحس فعلا انك بتستخدم شئ جديد وانا برده بحكي انه في وجه شبه قليل مع جوجل كروم
بس الي لاحظته انه ما بعلق وبعيد تشغيله متل الاصدار الي قبله خاصه 7 ما بعرف اذا فعلا حلوها ولا ما لحقت لتظهر هالمشكلة
بس دائما فكرة التجدد المتواجدة بوفرة عند مايكروسوفت بتخليها بالصدارة دائما وصعب تنغلب بسهولة وبتخليها تسيطر علي اكتر من ناحية في السوق البرمجي
وانا بشوفها خطوة زكية جدااااااا انها تخليه متوافق فقط مع الافيستا و ويندوز7 لانها بهالخطوة ما بتظلم حد لانه ويندوز 7 أفضل من اكس بي فحلو لتجبر الناس يستخدموه
انا نزلته للتجربه بس استخدامي الأكبر فاير فوكس وكروم
يعطيك العافية
تقبل مروري
إعجابإعجاب
كلامك صحيح ، وفكرة ربطه بويندوز 7 هي الاستفادة الكاملة من العتاد
نورتي
سلامي
إعجابإعجاب
خطة تجارية بحتة ربطو بالويندوز7 وفيستا والي ببقى هدفو تجاري بحت بيخسر وما بيطول لا ارض ولا سما
كوبي بيست جوجل كروووووم
نو كمنت تعبت وانا ارد ع هالموضوع
إعجابإعجاب
طيب !
نورتي
إعجابإعجاب
السلام عليكم
اشكرك اخي اشرف على التدوينة
لاكن ان اردنا التحدث بصدق عن كروم و فايرفوكس .. ( ليس من باب الاكثر استخداما هو الافضل )
مع العلم اني كنت من مستخدمي الفايرفوكس و من مدة وجيزة حولت لكروم الرائع ..
فانا اعتقد ان الكروم هو الافضل..
لاسباب .. اهمها
ضعف دعم الفايرفوكس للAPI .. حتى انه لا يدعم ال Google Font API ..فالكروم يفوقه ..
استخدام الفايرفوكس للمومري اعلى من الكروم …
الكروم اخف من الفايرفوكس ..
بالنسبة للديفيلوبرز … برمجة اضافات الكروم اسهل من برمجة اضافات الفايرفوكس …
اما الانترنت اكسبلورر ..فأنا لا زلت بانتظار النسخة الفاينل للحكم عليه .
إعجابإعجاب
كلامك صحيح فيما يتعلق باستهلاك الفيرفوكس للميموري وبالاخص استهلاكه الغير طبيعي للسي بي يو ، وبطء بدء التشغيل احياناً ، هذه المشاكل تغلب عليها كروم
وانا لا انكر ذلك ، لكن دعم الكروم لما تحدثت عنه ينبع اساساً من كونه منتج لجوجل ، وبالتالي سيدعم تطبيقات جوجل بشكل يتفوق به على غيره في هذا المجال
وبالاخص للمختصين من مطورين في برمجيات جوجل .
مشكور على مرورك
وان شاء الله النسخة النهائية تنول رضاك
إعجابإعجاب
:S مين قال ما بدعم google font API وانا مجربوا ؟
إعجابإعجاب
حكوا انو دعمه اله مش كامل او هيك شي
هادا كلامهم انا ما جربته ههه
نورت
إعجابإعجاب
رجعت بعد التجربة 🙂
—
IE 9 copied version of Google chrome
انا ملاقي الادء والسرعة تقريبا زي الكروم
بالنسبة للمنطقة العلوية في الكروم احسن واريح يعني لما تكون فاتح tabs كثيرة ما بتحس بالزحمة
اما في IE مع التصميم الموجود بتحس بزحمة كثيرة في المنطقة .
كمان لما تكون فاتح عدة صفحات بالكروم بتقدر تسكر الصفحة الي بدك اياها من غير ما تفتحها اما بالـ IE لازم تفتح كل صفحة لتسكرها .
وكمان لما استخدمت IE9 طلعت لي كثير صفحات error 😀
يعني الحكم انه IE 9 beta ما تفوق ع المتصفحات الموجودة زي الكروم مثلا
فقط قدر يقهر IE 7 & 8 😀 من جميع النواحي
بانتظار النسخة النهائية لحتى نشوف ع شو استقر هالمتصفح
إعجابإعجاب
تعودك على واجهة الكروم ما بيمنحك الحق تتهكم على الواجهة تبعت الاكسبلورر ، بعدين الاكسبلورر بيعطي مساحة للصفحة اكبر من نظيرتها في الكروم 🙂
بخصوص صفحات ال ERROR فهاي مشكلة جهازك 🙂 هههه انا ما ظهرت عندي ولا صفحة
بعدين هوا تفوق على الكروم وخلص هههه
حنزلك تدوينة منفردة بس عن جداول المقارنات والاداء اللي انتا مش ملاحظه هههه
نورت التدوينة
سلاماتي
إعجابإعجاب
ههههههه يا سيدي نزل وخلينا نشوف ونقارن وعموما لسا كله شغال ع بيتا ولما ينزل الفاينل بفرجها الله
بس برضو الكروم بضلو الاحسن والافضل من وجهة نظري :P:P:P
إعجابإعجاب
اكيد من وجهة نظرك هههه
نورت المدونة
بنكهة ردودك ههه
سلاماتي
إعجابإعجاب
انترنت اكسبلورر 9 نظرة عن قرب “الاستخدام الاول للمتصفح”…
تحية طيبة وبعد ،، اليوم اطلعكم على تجربتي مع انترنت اكسبلورر الاصدار التاسع ، النسخة التجريبية الاولى والتي تم اطلاقها يوم امس ، كنت انتظر مؤتمر مايكروسوفت منذ شهر ، حتى اتمكن من تحميل النسخة وتجربتها والاطلاع على الثورة التي وعدتنا بها مايكروسوفت ، ان…
إعجابإعجاب